Jagi 2005 válmmaštuvvan hápmosa árvvoštallan lea dárbbašlaš Suoma oainnu ráhkadeapmin vejolaš soahpamušráđđádallamiid várás. Čuovvovaš háve ášši lea ovdan sámeministaraid ja sámepresideanttaid čoahkkimis ođđajagemánus, gosa vuoigatvuohtaministtar Tuija Brax oassálastá.

Norgga, Ruoŧa ja Suoma gaskasaš soahpamuša ulbmilin livččii ráhkadit sápmelaččaid sajádaga guoski ovttalágan davviriikkalaš muddema. Soahpamuš sisttis doalašii mearrádusaid ee. stáhta ja sámedikki ovttasbarggus, sámiid gielalaš ja kultuvrralaš vuoigatvuođain ja maiddái sápmelaččaid ealáhusaiguin bargamis. Soahpamušhámus ráhkaduvvui sámeáššiin vástideaddji ministaraid ja sámedikki ságajođiheaddjiid jagi 2002 addin doaibmagohččosa vuođul.

Bargojoavku gávnnaha, ahte oassi evttohusain viiddidivčče Suomas fámusleahkki riikkaidgaskasaš geatnegasvuođaid. Hámus lea eanaš osiin vuogálaš Suoma láhkaásahemiin. Oassi soahpamušhápmosii gulavaš evttohusain lea bargojoavkku mielde goittotge ruossalágaid jogo vuođđolágain dahje eará láhkaásahemiin. Bargojoavkku mielas Sámediggái ii ovdamearkan sáhte vuođđolágas boahtti sivaid dihte addit
stáhtasoahpamušaid guoski áššiin aitosaš soahpamušriikkaide gulavaš vuoigatvuođaid.

Muittuhančála sisttis doallá bargojoavkkus sámedikki ovddastan lahtu loahppacelkosa.

Lassidieđut:
várreduopmár Eero J. Aarnio, tel. 040 5285 050 ja
láhkaásahančálli Tapio Puurunen, tel. 09 1606 7639

Bargojoavkku evttohus

Hámus davviriikkalaš sámesoahpamuššan